Iqhawe lamanqaku amathathu uSandile Mthethwa udlale indima enkulu ngethuba AmaZulu edlulela kumjikelo olandelayo weNedbank Cup emva ngokungabonakalisi lusini enqunqela egoqweni iMighty Eagles yaseMpuma Koloni ngamanqaku amahlanu kwelinye eKing Zwelithini Stadium eMlazi, eThekwini, ngokuhlwa kwangoLwesibini.
UMthethwa ungcangcazelise umnatha izihlandlo ezintathu, logama amanye amanqaku efakwe ngu-Etiosa Ighodaro noMondli Mbanjwa waze u-Awonke Mahlabela wafaka ele-Eagles.
Kusenjalo, owayeyifolosi yeKaizer Chiefs uChristian Saile Basomboli uqale kakuhle kwiSuperSport United njengokuba yena noVincent Pule befake amanqaku ngethuba iMatsatsantsa a Pitori iquthisa iMagesi FC ngamanqaku amabini eqandeni komnye umdlalo weNedbank Cup e-Old Peter Mokaba Stadium, ePolokwane.
IStellenbosch FC size ngemva sabetha iqela elidlala kwiMotsepe Foundation Championship (MFC) iKruger United ngamanqaku amabini kwelinye 2-1 eDanie Craven Stadium kwiCape Winelands.
