ITanzania ibambene neBanyana Banyana ngenqaku elinye macala kumdlalo weWomen’s Africa Cup of Nations (iWAFCON) eHonneur Stadium, e-Oujda, kwelaseMorocco ngokuhlwa kwangoLwesihlanu.
IiTwiga Stars beziphala phambili ngenqaku elinye eqandeni ekupheleni kwesiqingatha sokuqala emva kwenqaku elingene ngentloko kakapteni u-Opa Clement Tukumbuke emva kokubetha unozinti weBanyana uKaylin Swart ngomzuzu wamashumi amabini anesine.
IBanyana iqale kakuhle kwisiqingatha sesibini, kwaye amalinge ayo azele amaduna namathokazi ngethuba uBambanani Mbane efaka inqaku lokulinganisa emva kwebhola ebisuka kuLebohang Ramalepe ngomzuzu wamashumi asixhenxe.
IiTwiga Stars zibenelishwa ngomzuzu wamashumi asibhozo anesine ngethuba uWinfrida Hubert Gerald efumana ikhadi elibomvu emva kokudlala kakubi uLinda Motlhalo.
