Iqela laseGqeberha nelidlala kwiPremier Division iChippa United iqinisekise ukutyikitya kwayo umdlali weqela lesizwe laseSwatini uJustice Figareido emva kwemini ngoLwesibini.
UFigareido, oneminyaka engamashumi amabini anesixhenxe, uzibandakanye neeChilli Boys emva kokudlalela iqela laKwaZulu-Natal iRichards Bay FC kulesizini ephelileyo. Ukanti, uFigareido ukhe wadlala nakwiMaritzburg United ne-TS Galaxy.
“IChippa United yonelisekile ukubhengeza ukutyikitya kwayo uJustice Figareido ngokusigxina esuka kwiRichards Bay FC. Lefolosi etshawuzayo izibandakanye neeChilli Boys kanye ngaphambi kwesizini ka-2025. Asikwazi ukulinda side simbone efaka amanqaku,” zitshilo iiChilli Boys.
Kusenjalo, iiChilli Boys zizakudlala neRichards Bay FC kumdlalo weBetway Premiership ePrincess Magogo Stadium, KwaMashu, eThekwini, ngokuhlwa kwangoLwesibini.
