Oosotheko, iMorocco, ibonakalise ukungabinalusini njengokuba iquthise iChipolopolo yaseZambia ngamanqaku amathathu eqandeni kumdlalo kaGroup A kwi-2025 Africa Cup of Nations ePrince Moulay Abdullah Stadium ngokuhlwa kwangoMvulo.
U-Ayoub El Kaabi ungcangcazelise umnatha izihlandlo ezimbini, laze elinye inqaku lafakwa nguBrahim Diaz lwatsho lwafikelela esiphelweni uhambo lweChipolopolo kuletumente. Emva kokutywatyusha iintshatsheli zango-2012, ii-Atlas Lions zigqibe zisencochoyini kaGroup A.
Kusenjalo, iComoros Islands ibambene ngeqanda macala omabini nee-Eagles zaseMali komnye umdlalo kaGroup A nobubanjelwe eMohamed V Stadium, eCasablanca.
