IBafana Bafana izakudlala nee-Indomitable Lions zaseCameroon kumjikelo olandelayo we-2025 Africa Cup of Nations kwelaseMorocco ngokuhlwa kwangeCawa.
IBafana nee-Indomitable Lions, ezaphumelela indebe yase-Afrika izihlandlo ezintlanu, zizakuqubisana e-Al-Medina Stadium, Rabat, ngentsimbi yethoba ngokuhlwa.
Lomdlalo uze emva kokuba ii-Indomitable Lions zibethe iiMambas zaseMozambique ngamanqaku amabini kwelinye kumdlalo kaGroup F e-Adrar Stadium, e-Agadir, eMorocco, ngokuhlwa kwangoLwesithathu.
Kusenjalo, ii-Elephants zase-Ivory Coast ziphele zikwindawo yokuqala kuGroup F emva kokuquthisa iGabon ngamanqaku amathathu kwamabini eMarrakech Stadium.
