Iintshatsheli ezikhusela iBetway Premiership, iMamelodi Sundowns, iqinisekisile ukuba iyityikitye ifolosi yaseColombia uBrayan León Muñiz kusasa ngoMvulo.
Lommi waseColombia, oneminyaka engamashumi amabini anesihlanu, uzibandakanye nezangxa zaseTshwane esuka kwi-Independiente Medellín yaseColombia. UMuñiz ufake amanqaku alishumi elinesine, wabanesandla kwalishumi elinanye kwimidlalo engamashumi amane anesithandathu ngo-2025.
Kukholeleka ukuba iiBrazilians zityikitye lomfana ngesixa-mali esiqikelelwa kwizigidi eziyiR52,5 kwaye lomdlali utyikitye isivumelwano sengqesho seminyaka emithathu.
“IMasandawana inebhongo ukwamkela uBrayan Lèon eqeleni,” itshilo iSundowns kusasa ngoMvulo.
