Emva kokuchitha isizini enye edlala kwiKaizer Chiefs ngokwemboleko, esuka kwizangxa zase-Algeria, iCR Belouizdad, ngelingeni ifolosi uKhanyisa Mayo utyikitye isivumelwano sengqesho esisigxina neliqela laseNaturena kusasa ngoLwesine.
“IKaizer Chiefs iqukumbele ukutyikitya ngokusigxina uKhanyisa Mayo, evela kwizangxa zase-Algerian, iCR Belouizdad, emva kokudlala ngemboleko kwiiGlamour Boys kwisizini egqithileyo,” atshilo Amakhosi.
“UMayo, osebenze nzima kulesizini ephelileyo, uzinikele kwiChiefs njengokuba eliqela lilungiselela ukulwa ngaphantsi kwesandla somqeqeshi uFernando da Cruz. Lefolosi, eneminyaka engamashumi amabini anesixhenxe, izakuba yinxalenye yeqela elizakulwa ekhaya nakwiitumente zeCAF.”
UMayo, owazalelwa eMthatha nongunyana wowesayakuba yifolosi yeChiefs, uPatrick Mayo, udlale isizini enye kwiBelouizdad emva kokutyikitya esuka kwiCape Town City ngo-2024.
