Iqela laseMpuma Koloni nelidlala kwiPremier Division, iChippa United, ibhengezile ngokuhlwa kwangoLwesine ukuba ityumbe umdlali wasesiswini, uGoodman Mosele, njengomkhokeli wayo omtsha.
UMosele, oyinzalelwane yaseKhuma, eStilfontein, kwiphondo loMntla Ntshona, uzibandakanye neeChilli Boys ngokusisigxina evela kwiintshatsheli zeBetway Premiership, i-Orlando Pirates.
“UGoodman Mosele uyiChilli Boy ngokusigxina, kwaye nguye umkhokeli weqela lethu kulesizini ka-2026/27,” zitshilo iiChilli Boys.
UMosele, oneminyaka engamashumi amabini anesithandathu nowakhe wadlalela iBaroka FC, uchithe ezisizini zimbini zigqithileyo edlalela iiChilli Boys ebolekwe kwiPirates.
