IBanyana Banyana izakudlala neMorocco kumdlalo wamaqela asibhozo okugqibela kwitumente ye-2026 Women’s Africa Cup of Nations (WAFCON) eRabat ngokuhlwa kwangoMgqibelo.
IBanyana izibone izakudlala noosotheko baletumente emva kokuquthisa iBurkina Faso ngenqaku elinye eqandeni, nqaku elo elifakwe nguThembi Khatlana ngomzuzu wamashumi amabini ananye kwibhola ebisuka kuFikile Magama eMoulay Rachid Stadium, eCasablanca, ngokuhlwa kwangoLwesibini.
Emva kokuphumelela kwiBurkina Faso, iqela lomqeqeshi uDesiree Ellis ligqibe kwindawo yesibini kuGroup B emva kwe-Ivory Coast, ephumelele imidlalo emibini, yaze yadlala ngokulingana komnye.
