Indlela abazithembe ngayo uZolisa Batyi noLucky Hobyane yenza into yokokuba kubenzima ukuphoswa ngumlo wabo ozakubanjelwa e-Orient Theatre, eMonti, ngeCawa.
UBatyi ukwilinge lokuqinisekisa ukuba uyikhusela ngempumelelo intshinga yakhe yoMzantsi Afrika kudidi losiba. UBatyi waphumelela lentshinga ngethuba enqumamisa uJeff Magagane kumjikelo wesibini ngoDisemba ka-2022.
“Ayiyindawo lebhanti, yibhanti yam le. Soze ndizokubethelwa ekhaya mna,” utshilo uBatyi.
UHobyane, owazalelwa eMalamulele eLimpopo, uthethe wathi: “Andizangokudlala apha. Ndizokuthabatha intshinga yaseLimpopo, ndiyibuyisele ekhaya.”
Kusenjalo, imilo emithathu irhoxisiwe emva kokurhoxa kweembethi-manqindi ebizakulwa no-Okuhle Mthi, Thapelo Bokwe noSiphosethu Mvula.
