Inzalelwane yaseGiyani uJoseph Tsakani ‘Smokin’ Joe’ Makaringe, owayeyinjinga yoMzantsi Afrika kudidi lwewelterweight, usutywe kukufa ngokuhlwa kwangoLwesine emva kwengulo emfutshane eneminyaka engamashumi amane anethoba.
UMakaringe ulawule udidi lwewelterweight eMzantsi Afrika iminyaka emithandathu emva kokuphumelela lentshinga ngokunqumamisa uVirgil Kalakoda kumjikelo weshumi eWembley Indoor Arena, eRhawutini, ngoFebruwari 2000.
Kuloominyaka leyo, uMakaringe wakhusela intshinga yakhe izihlandlo ezilishumi. NguHarold Volbrecht kuphela owakhusela intshinga yakhe yoMzantsi Afrika izihlandlo ezininzi kunoMakaringe.
UVolbrecht, owazalelwa eBoksburg, wakhusela intshinga yakhe kudidi lwewelterweight izihlandlo ezilishumi elinethoba.
Umlo wokugqibela kaMakaringe kwakungethuba ebethwa ngu-Isaac Hlatshwayo kumlo wentshinga eyayingenamntu kwi-International Boxing Organisation (IBO) kudidi lwewelterweight e-Emperor’s Palace, eKempton Park, ngoMeyi 2007.
UMakaringe waphumelela imilo engamashumi amathathu, enqumamisa amadoda izihlandlo enzingamashumi amabini anesihlanu, waze wabethwa kwimilo emine.
