IMoroka Swallows ize ngemva, yaze yanyanzelisa ukuba umdlalo uphele nngamanqaku amabini macala neMamelodi Sundowns kwiDStv Premiership eDobsonville Stadium, eSoweto, ngokuhlwa kwangoMvulo.
IiBrazilians zinkqenkqeze phambili ngethuba imbumbulu ebisuka kuTeboho Mokoena idlule kunozinti weSwallows uDaniel Akpeyi ngomzuzu wamashumi amathathu anesithandathu.
Kwimizuzu emithandathu siqalile isiqingatha sesibini, uMarcel Allende waseChile ufake inqaku lesibini lezangxa zaseTshwane ngebhola eye yabetheka esandleni sikaKwandakwensizwa Mngonyama ngaphambi kokuba iqengqeleke iyokungena ezipalini.
IiDube Birds zifake inqaku lazo lokuqala ngequza lika-Augustine Mahlonoko ngomzuzu wamashumi amahlanu anesithandathu. Umdlali waseMalawi uGabadinho Mhango ufake elokulinganisa xa kanye bekushiyeke imizuzu emihlanu uphele umdlalo.
