IStellenbosch FC siqhubela phambili nokudlala kakuhle njengokuba sibambene ngenqaku elinye macala neSekhukhune United kumdlalo weDStv Premiership ePeter Mokaba Stadium, ePolokwane, ngokuhlwa kwangoLwesithathu.
IStellies sophise kuqala ngenqaku lika-Anicet Oura wase-Ivory Coast kwimizuzu emithathu ngaphambi kokuhlaba ikhefu. IBabina Noko ifake elokulinganisa ngoChibuike Ohizu ngomzuzu wamashumi asibhozo anesithandathu.
IStellies saseCape Winelands sele sidlale imidlalo engamashumi amabini anesibini singekabethwa.
Kusenjalo, iSuperSport United ayikaphumeleli kwimidlalo esibhozo njengokuba idlale ngokulingana ngenqaku macala nePolokwane City eLucas Moripe Stadium, e-Atteridgeville.
