Abaphathi baka-Akani Phuzi bakholelwa ukuba lembethi-manqindi ingema izixhwithele kwintshatsheli yoMzantsi Afrika kudidi lwecruiserweight uThabiso ‘The Rock’ Mchunu, kwaye kungoko ecela umngeni nje.
UMchunu ubethwe ngummi wase-Argentina uYamil Alberto Peralta Jara ngamanqaku kumlo weWorld Boxing Council (WBC) Silver kudidi lwecruiserweight e-Olive Convention Centre, eThekwini, kulenyanga ephelileyo.
“Ukhona umdla kwiinkampu zombini. Ikhona into yokokuba lomlo ungakhona ekuzeni kuphela konyaka,” utshilo uDamien Durandt, ongumqeqeshi kaPhuzi.
UMchunu, oneminyaka engamashumi amathathu anesithandathu, owazalelwa KwaXimba, KwaZulu-Natal, akakayikhuseli intshinga yakhe phantse iminyaka emithandathu. UMchunu wagqibela ukukhusela intshinga yakhe ngethuba ebetha uTommy Oosthuizen ngoDecember 2018.
Kusenjalo, uPhuzi waseMalamulele, eLimpopo, ugqibele ukulwa mhla wayebethwa yimbethi-manqindi yaseRussia uMuslim Gadzhimagomedov eDushambe kwelaseTajikistan ngo-Okthobha kulonyaka ophelileyo.
