IMamelodi Sundowns ibuyele phezulu kumanqwanqwa eBetway Premiership emva kokubetha iPolokwane City ngenqaku elinye eqandeni kumdlalo obubanjelwe eSeshego Stadium, ePolokwane, ngokuhlwa kwangoLwesithathu.
Ummi waseChile uMarcelo Allende ufake inqaku leeBrazilians kwibhola ebisuka kuLebogang Mothiba ngomzuzu wamashumi amathandathu anesibini. UMothiba ubenethuba elihle lokwandisa amanqaku ngomzuzu wamashumi asixhenxe anesihlanu, kodwa woyisakala emva kokudlalwa kakubi kukaKhulumani Ndamane.
Kusenjalo, iSiwelele FC iquthise iKaizer Chiefs ngamanqaku amabini eqandeni komnye umdlalo weBetway Premiership obudlalelwa eFree State Stadium, eMangaung.
Edlala ngaphambi kwabalandeli bakowabo, uTebogo Potsane, oyinzalelwane yaseBloemfontein, ufake inqaku lokuqala ngomzuzu wesixhenxe. Inqaku lesibini lize ngomzuzu wamashumi amabini anesithandathu lifakwa nguSiphesihle Jeza.
