Idlala ngendlela encomekayo kumdlalo wesibini kaGroup A kwiNdebe yeHlabathi, iBafana Bafana ibambene neCzechia ngenqaku elinye macala eMercedes Benz Stadium e-Atlanta, eGeorgia, kwelaseMelika ngokuhlwa kwangoLwesine, ngokwexesha loMzantsi Afrika.
Izinto zibonakele ngathi zizakuyihambela kakubi iBafana xa iCzechia inkqenkqeza phambili ngenqaku elize ngequza likaMichal Sadílek emva kokubetha unozinti woMzantsi Afrika, uRonwen Williams, ngomzuzu wesithandathu.
UTeboho Mokoena, ongazokudlala kumdlalo wokugqibela kaGroup A xa bequbisana neKorea Republic kuleveki ezayo emva kokuqokelela amakhadi atyheli amabini, ufake inqaku lokulinganisa kwibhola ebisuka echaphazeni ngomzuzu wamashumi asibhozo anesithathu. Usompempe womdlalo uTori Penso wohlwaye iCzechia emva kokuba uPavel Sulc ebambe ibhola ebhokisini.
