Iintshatsheli zeBetway Premiership, i-Orlando Pirates, ingqinile ngokuhlwa kwangoLwesihlanu ukuba imkhululile unozinti wayo, uMelusi Buthelezi.
UButhelezi, oneminyaka engamashumi amabini anesibhozo nowazalelwa eNquthu, KwaZulu-Natal, udlale imidlalo engamashumi amabini anesibini ukususela wazibandakanya neeBuccaneers evela kwi-TS Galaxy kwiminyaka emibini egqithileyo.
“Eliqela libulelola ngokungazenzisiyo kuMelusi Buthelezi ngendlela ebeziphethe ngayo, ukuzinikela kwakhe kwakunye negalelo lakhe ngalo lonke elixesha ebeyinxalenye ye-Orlando Pirates. Simnqwenela impumelelo kwisahluko esilandelayo sobomi bakhe,” zitshilo iiBuccaneers.
