IKaizer Chiefs ibhengezile ngokuhlwa kwangoLwesithathu ukuba unozinti wayo ophambili, uBrandon Petersen, wonzakele edolweni ngethuba eliqela lizilolonga kusasa ngoLwesibini.
Iqela laseNaturena longeze ngelithi uPetersen, oneminyaka engamashumi amathathu ananye noyinzalelwane yaseKapa, akazokudlala iiveki ezine ukuya kwezintandathu. UPetersen uyidlale yonke imidlalo yeChiefs ukususela ukuba isizini iqalile ngo-Agasti.
Amakhosi aphinde abhengeza ukuba umdlali wasesiswini noneminyaka engamashumi amabini anesibini, uWandile Duba, akazokudlala isithuba seeveki ezimbini. Lenzalelwane yasePiet Retief kwiphondo laseMpumalanga yonzakele ethangeni nasemphakathweni.
