Iintshatsheli, i-Orlando Pirates, izakudlala nabatshakazi kwiPremiership, iMilford FC, kumjikelo wokuqala weNdebe yeCarling Knockout emva kokuthelekiswa eRhawutini ngokuhlwa kwangoLwesithathu.
Kwelinye icala, iintshatsheli zase-Afrika, iMamelodi Sundowns, izakujamelana neMarumo Gallants, ize iKaizer Chiefs idlale neTS Galaxy, logama iSekhukhune United ithelekiswe neRichards Bay FC.
Amaqela amabini aKwaZulu-Natal, iDurban City neLamontville Golden Arrows, azakudlalela ekhaya emva kokuthelekiswa neStellenbosch FC kunye neChippa United ngokulandelelana.
Ukanti, iPolokwane City ithelekiswe kunye neSiwelele FC, logama iKruger United izakudlalela ekhaya xa iqubisana nAmaZulu.
