UShakur Stevenson uyikhusele ngempumelelo intshinga yakhe yeWorld Boxing Council (WBC) kudidi lwelightweight ngethuba ebetha u-Artem Harutyunyan waseJamani ngamanqaku ePrudential Center eNewark, eNew Jersey, kwelaseMelika ngentseni yangeCawa, ngokwexesha loMzantsi Afrika.
Umgwebi uLynne Carter uthe uStevenson uphumelele 116-112, uGuido Cavalleri 118-110 noMark Lyson othe 119-109.
Ngaloondlela, uStevenson, oneminyaka engamashumi amabini anesixhenxe, uyiphumelele yonke imilo yakhe engamashumi amabini anesibini, enqumamise amadoda alishumi.
Ukanti, uHarutyunyan, owazalelwa kwelase-Armenia, uphumelele imilo elishumi elinambini, enqumamise amadoda asixhenxe, wabethwa kwimilo emibini.
