Ngethuba uninzi lwabalandeli bebhola ekhatywayo luxakeke yitumente yeNdebe yeHlabathi esingathwe yiMelika ngokubamba ilima neMexico neCanada, iintshatsheli zase-Afrika iMamelodi Sundowns sele ziqalile ngamalungiselelo esizini ezayo.
IiBrazilians zibhengezile kusasa ngoLwesibini ukuba zityikitye umdlali wasesiswini u-Antonio van Wyk evela kwiSV Ried yase-Austria.
“Eli lelinye lamaqela amakhulu kwilizwekazi. Iqela elinembali entle nenkulu, elikumgangatho ophezulu nelinenkucubeko yokuphumelela. Ndinebhongo neqhayiya ukuba lapha,” utshilo uVan Wyk.
Lenzalelwane yaseKapa, eneminyaka engamashumi amabini anesine, okokoko ibidlalela iqela lase-Austria ngo-2024 isuka kwiStellebonsch FC yaseCape Winelands.
