IKaizer Chiefs isebenze ngokukhawuleza, yaze yatyikitya uThabo Moloisane, obedlala kwiStellenbosch FC, kwilinge lokuqinisa udonga lwayo lwasemva emva kwemini ngoLwesine.
“IKaizer Chiefs yonelisekile kukuqinisekisa ukuba ityikitye umdlali wasemva uThabo Moloisane ilungiselela isizini ezayo. Lomdlali wasemva uvela kwiStellenbosch FC,” atshilo Amakhosi.
UMoloisane, oneminyaka engamashumi amabini anesixhenxe, udlale imidlalo elikhulu elineshumi elinesihlanu kwezisizini zintathu ekwiqela laseCape Winelands. UMoloisane uzakuzibandakanya noogxa bakhe abatsha xa beqalisa ukulungiselela isizini ezayo.
“UMoloisane uzisa into esiyaziyo njengokuba wakhe wadlala kwimidlalo yelizwekazi. Nanjengokuba ebekhe wadlala kwiConfederation Cup, ufika eNaturena elungele ukudlala kukhuphiswano lweCAF njengokuba Amakhosi ebuyela kwibhola ekhatywayo yelizwekazi,” iqhube yatsho iChiefs.
