Kanye nje emva kokukhululwa yiKaizer Chiefs ebutsheni baleveki, umdlali wasesiswini, uThabo Cele, ubhengezwe njengomdlali omtsha weMamelodi Sundowns emva kwemini ngoLwesine.
Izangxa zaseTshwane zixabangela iqela lazo njengokuba zilungiselela imidlalo yalapha ekhaya kwakunye neyakwilizwekazi i-Afrika.
“IMamelodi Sundowns yonelisekile kukubhengeza ukuba ityikitye uThabo Cele. IYellow Nation ikulungele” itshilo iSundowns.
Ngaphambi kokukhululwa yiChiefs, lenzalelwane yaKwaMashu, eThekwini, neneminyaka engamashumi amabini anethoba, yayizimanye nAmakhosi ngoJanyuwari wonyaka ophelileyo.
